• 30 желтоқсан 2022
• 1069

Сала үздіктері марапатталды

Қорқыт ата атындағы Қызылорда университетінде өткен Ғылыми кеңесте оқу орнының бірқатар қызметкері марапат төрінен көрінді. Атап айтсақ,  «Биология, география және химия» кафедрасының қауымдастырылған профессоры Анипа Тапалова,  «Биология,  география және химия» кафедрасының қауымдастырылған профессоры, б.ғ.к.  Рахат Құрманбаев,  «Aрхеология және этнография» ғылыми орталығының жетекшісі, PhD, университеттің қауымдастырылған профессоры Әзілхан Тәжекеев, «Экономика және басқару» кафедрасының доценті, э.ғ.к. Алмакүл Әбдімомынова,Академиялық мәселелер жөніндегі департамент директоры, п.ғ.к. Баянәлі Досжанов және Басқарма төрағасы-ректор, ф.ғ.к. Бейбіткүл Кәрімова ҚР Ғылым және жоғары білім министрлігінің «Ғылымды дамытуға сіңірген еңбегі үшін» төсбелгісімен марапатталды.

Сонымен қатар, жоғары білікті мамандар даярлауға еңбек сіңіріп, өз саласының кәсіби шебері саналатын оқытушы-профессорларға ҚР Ғылым және жоғары білім министрлігінің «Құрмет» грамотасы, ҚР Ғылым және жоғары білім министрлігінің «Алғыс хаты» және облыс әкімінің Алғыс хаты табысталды.

Марапаттарыңыз құтты болсын, әріптестер! Еңбектеріңіз жемісті болсын!

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru