• 07 ақпан 2023
• 1327

Экономика және құқық институтында волейбол турнирі өтті

Қорқыт ата атындағы Қызылорда университетінің Экономика және құқық институтында қыздар арасында волейбол турнирі өтті.

Жастар арасында салауатты өмір салтын насихаттау мақсатында өткен спорттық шараға 1-курс студенттерінен құралған 7 команда қатысты.

Турнирде институт директоры Нұрлан Құлмырзаев қоғамның алдында тұрған басты проблеманың бірі – жастардың зиянды әдеттерге бой алдыруы, шылым, электронды темекі секілді заттарды қолдануы жиілей түскенін атап өтіп, салауатты өмір салтын сақтауға шақырды.

Волейбол турнирінде І орынды СР-22-5 оқу тобы, ІІ  орынды СР-22-1,5 оқу топтары, ІІІ орынды СР-22-3 оқу тобы иеленді.

Ал, «Үздік ойыншы» номинациясымен Ю-22-5 оқу тобының студенті Камила Сариева, СР-22-1 оқу тобының студенті Құндызай Батырбек, СР-22-3 оқу тобының студенті Дильназ Жарқынбекқызы, СР-22-5 оқу тобының студенті Нұрсұлу Нұралиева иеленді.

Айта кету керек, спорттық шараны институт директоры Нұрлан Құлмырзаев, директордың орынбасары Айболат Жусупов, институттың аға тәлімгері Эльмира Тойлыбекова, институт студенттер кеңесінің төрағасы Сұлтан Бегзада ұйымдастырды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru