• 23 ақпан 2023
• 1293

Университет кәсіподақ ұйымының төрағасы сайланды

Қорқыт ата атындағы Қызылорда университетінде профессор—оқытушылар, құрылым басшыларының қатысуымен жиын өтті. 

Басқосуда университтегі кәсіподақ ұйымының төрағасы Айтжан Оразбақов ұйымның 2022 жылғы жұмысы туралы есеп беріп, кәсіподақ мүшелерінің құқығын қорғау бағытында атқарылған жұмыстарға тоқталды.

Бүгінде кәсіподақ ұйымының 1002 мүшесі бар. Ұйымның құрамына 7 бастауыш кәсіподақ ұйымы кіреді. Өткен жылы кәсіподақ қаржысы негізінен мәдени іс-шараларға, қайырымдылық көмекке, спорттық шара жеңімпаздарын марапаттауға жұмсалған.

Жиында тарих ғылымдарының кандидаты, қайымдастырылған профессордың м.а Айтжан Оразбақов университеттегі кәсіподақ ұйымының төрағасы болып қайта сайланды.

Айта кету керек, 2023 жылы білім алушылар контингенті 10 мыңнан асты.

Қазір білім ордасында 5 институт, 24 кафедра, 5 ғылыми орталық қызмет етеді. Жалпы профессор-оқытушылар құрамы 560 адамды құрайды. Оның ішінде 22 ғылым докторы, 176 ғылым кандидаты, 37 философия докторы (PhD) бар.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru