• 21 наурыз 2023
• 888

Университетте әз-Наурыз мерекесі кең көлемде тойланды

Қорқыт ата атындағы Қызылорда университетінде Ұлыстың ұлы күніне орай «Жыршы-термешілер» ауылы бой көтерді. Бүгін орталық алаңда арнайы тігілген инновациялық киіз үйде қала тұрғындары ғалымдардың жобалары, білім алушылардың ғылым саласындағы жетістіктерімен танысты. 
Бұл күні Сыр даласы әуезді ән мен күмбірлеген күйге тұнды. Университет жанынан құрылған «Дидар» халықтық фольклорлы-этнографиялық ансамблі мен дарынды жастар өнер көрсетіп, халықтың ықыласына бөленді.  

Сондай-ақ, арқан тарту, қол күрес, гір тасын көтеру сынды ұлттық ойындар ойнатылып, жиылған көпшілік арасынан жеңімпаздар анықталды. Жастар алтыбақан аясында тербеліп, профессор-оқытушылар мен білім алушыларға, тұрғындарға наурызкөже таратылды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru