• 31 наурыз 2023
• 786

Ынтымақтастық туралы меморандумға қол қойылды 

ҚР Бас прокуратурасының Құқықтық статистика және арнайы есепке алу комитетінің Қызылорда облысы бойынша басқармасы және Қорқыт ата атындағы Қызылорда университеті арасында ынтымақтастық меморандум жасалды.

Құжат болашақ заңгерлердің кәсіби шеберлігін арттыруға, білімін жетілдіруге және тәжірибе жинақтауына,  жұмысқа орналасуына мүмкіндік бермек.
Тараптар  арасындағы өзара ынтымақтастық нәтижесінде бірлескен жоспарлар, қоғамдағы өзекті мәселелерді шешу бағытындағы бағдарламалар, студенттердің өндірістік және дипломалды тәжірибелерден өтуі жүзеге асырылмақ.

Айта кетейік, жиынға Құқықтық статистика және арнайы есепке алу комитетінің Қызылорда облысы бойынша бастығының міндетін атқарушы Руслан Бусурманов пен Қорқыт ата атындағы Қызылорда университеті ректорының міндетін атқарушы, Академиялық мәселелер бойынша Басқарма мүшесі – проректор Дана Абдрашева қатысып, келісімге қол қойды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru