• 11 сәуір 2023
• 1211

Кәсіби заңгерлер өз тәжірибесімен бөлісті

Қорқыт ата атындағы Қызылорда университетінде Қызылорда облыстық Адвокаттар алқасының мүшесі, заңгер Бахыт Орынбекова мен Шара Сабированың қатысуымен «Адвокаттың кәсіби этикасы» тақырыбында кездесу өтті. Жиынға «Құқықтану» мамандығының 3-курс студенттері қатысты.
Кездесудің мақсаты – студенттердің «Адвокатура» пәні бойынша алған теориялық білімін тәжірибемен ұштастыру. 
«Адвокат – қиындығы көп мамандық. Қазіргі таңда заңды бес саусағыңдай білу аздық етеді. Заңгер болу үшін - мықты логика, темірдей мықты төзім мен ыждағаттылық керек. Бұл – «білікті маман» болудың басты қағидасы»,-деді тәжірибелі заңгер Бахыт Орынбекқызы.
Болашақ заңгерлерге Шара Қалыбекқызы Жаңа Қазастанның құқықтық деңгейде қалыптасуында білікті мамандардың маңыздылығын айтып, қатысушылардың барлық сұрақтарына жауап берді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru