• 01 маусым 2023
• 1277

Электрондық еңбек биржасы арқылы қандай қызметтер алуға болады?

Электрондық еңбек биржасының мүмкіндіктері туралы ақпараттық-түсіндірме жұмыстарын жүргізу мақсатында  бітіруші түлектермен онлайн форматта кездесу өтті.

Кездесуде "Қызылорда қаласының жұмыспен қамту, әлеуметтік бағдарламалар және азаматтық хал актілерін тіркеу бөлімінің "Қызылорда қаласының жұмыспен қамту орталығы" КММ маманы Ернұр Сапаров еңбек биржасы туралы ақпараттармен таныстырды.

Электрондық еңбек биржасы (enbek.kz) – жұмыс іздеу және қызметкерлерді іріктеуге жәрдемдесу үшін мүмкіндіктерді ұсынатын жұмысқа орналастыру бойынша бірыңғай цифрлық алаң.

Бүкіл республика бойынша бос жұмыс орындары мен жұмыс іздеушілер туралы ақпарат күн сайын әр түрлі дерек көздерден жаңартылады.

ЭЕБ қызметкерлерді іздеу және қызметкерлерді іріктеу сервистері:

- көрсетілген кәсіби дағдыларының негізінде бос жұмыс орындарын автоматты түрде іріктеу;

- жалпы конкурс шарттарына байланысты мемлекеттік қызметке жұмысқа орналастыру бизнес-процессін автоматтандыру;

- денсаулық сақтау, білім беру және басқа да салалардың түлектерін онлайн-режимде жұмысқа орналастыру;

- Қазақстан Республикасындағы жаңа кәсіптер мен құзыреттер атласы;

- Мүгедектігі бар адамдар үшін ұсынылатын кәсіптер мен кәсіптердің атласы;

ЭЕБ азаматтарға онлайн-режимде жұмыспен қамту саласындағы мемлекеттік қызметтерді ұсынады:

- жұмыс іздеп жүрген адам ретінде тіркелу;

- тұрақты жұмыс орнына лайықты бос жұмыс орындарын іріктеу;

- жұмыссыз мәртебесін алу;

- жұмысынан айрылған жағдайдағы әлеуметтік төлем;

- жұмыспен қамтудың мемлекеттік қолдау шараларына қатысу;

- жұмыс күші артық аймақтардан жұмыс күші жетіспейтін аймақтарға қоныс аударуға өтініш беру;

Қорқыт ата атындағы Қызылорда университетінің медиа орталығы
Байланыс телефоны: 87242 26-21-34
e-mail: kmu.kmu@list.ru