• 06 қазан 2023
• 748

Студенттер Жолдауды ТEDx форматында талқылады

Қорқыт ата атындағы Қызылорда университетінде Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауындағы жастарға қатысты бағыттардың орындалуын талқылау мақсатында жиын өтті.

Экономика ғылымдарының кандидаты, аға оқытушы Гүлшат Дүзелбаева «Жасыл экономиканы дамыту – заман талабы» тақырыбында баяндама жасады. Жолдаудың маңыздылығына тоқталып, Жаңа экология кодексі және Көміртегі бейтараптығына қол жеткізудің 2060 жылға дейінгі стратегиясы қабылданғаны жайлы айтты.

Ал, экономика ғылымдарының кандидаты, «Экономика және құқық» институтының директоры Нұрлан Құлмырзаев экономиканы дамытудың қайнар көзіне айналған «Креативті өндіріс» тақырыбында ТEDx форматында студенттерге дәріс оқыды. «Креативті экономика» терминіне тоқталып, басқа да экономика салаларынан артықшылығына атап өтті.

Шара соңында білім алушылар сұрақтарына жауап алып, өзара пікірлерімен бөлісті.

 Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru