• 09 қараша 2023
• 1178

«Білім беру бағдарламалары: қажеттілік пен сұраныс»

Гуманитарлық-педагогикалық институтының ұйымдастыруымен «Білім беру бағдарламалары: қажеттілік пен сұраныс» тақырыбында дөңгелек үстел өтті.

Дөңгелек үстелдің мақсаты – Гуманитарлық-педагогикалық институтының білім беру бағдарламаларына жұмыс берушілер тарапынан талдау жасап, еңбек нарығындағы қажеттілік пен сұранысты анықтау. Бітіруші түлектердің моделі қандай болуы керек, қандай жалпы және бейінді құзіреттіліктер қалыптастыруы керек, өндіріске барып орналасуда өз мамандығының жеке қасиеттерін қаншалықты игеріп, дайын болуы керек. Сондай-ақ, институттың 2021-2022, 2022-2023 оқу жылының жұмысқа орналаспаған түлектерін жұмыс берушілермен, облыстық еңбек мобильділігі орталығы мамандарымен кездестіріп, жұмысқа орналасу мәселесін талқылау.

Дөңгелек үстелге облыстық еңбек мобильділігі орталығы КММ бөлім басшысы Абылай Самыратов, Бағдаулет Төребек, Рекрутинг және мансап басқармасының басшысы Жандос Оразмаханов, жұмыс беруші білім беру бағдарламаларының филиалдарынан «Сыр медиа» ЖШС бас директорының орынбасары Айжан Абдуллаева, Н.Ахмадеева атындағы №112 орта мектебінің қазақ тілі мен әдебиеті мұғалімі Ұлжан Жорабекова, Б.Ермекбаев атындағы №271 орта мектеп директоры Д.Ж.Абдраимов, Ж.қизатов атындағы №23 лицей-мектебі ағылшын тілі мұғалімі С.Сентаева, Қызылорда облыстық тарихи өлкетану музейі аға ғылыми қызметкері С.Асхат, «Қызылорда қаласы халықаралық ХУАЮ» директор орынбасары Н.Уркенова, ағылшын тілін үйрету орталықтарының әкімшіліктері және өзге де мектеп директорлары қатысты.

Дөңгелек үстелде түлектер өз мамандығы бойынша жұмысқа орналасудың тәртібін, ваканттық бос орын конкурсына қатысу мүмкіндіктері туралы толық ақпарат алды. Іс-шара нәтижесінде Гуманитарлық-педагогикалық институтының білім беру бағдарламаларына жұмыс берушілер тарапынан қажеттілік пен сұраныс анықталды, өз саласы бойынша жұмысқа орналаспаған түлектер бос орын конкурстарына қатысу тәртібін үйреніп, жұмыс берушілермен келіссөздер жүргізді.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru