• 14 қараша 2023
• 830

«Алтын күз – 2023» байқауының жеңімпаздары анықталды

Қорқыт ата атындағы Қызылорда университетінде 17 қараша - Халықаралық Студенттер күні білім алушылар арасында «Алтын күз – 2023» байқауы өтті.

Байқауға 9 жұп қатысып, «Таныстыру», «Бейнеролик», «Өз өнері», «Күз тартуы», «Көрініс» кезеңдері бойынша сынға түсті.

Сайыста көрерменнің ерекше ықыласы мен қолдауына бөленген «Есеп және аудит» мамандығының 1-курс студенті Жасұлан Жұманов пен «Азық-түлік өнімдерінің технологиясы» мамандығының 1-курс студенті Аяулым Ермекбаева бас жүлдені иеленді.

«Университет ұйымдастырған байқау өте жоғары, ерекше деңгейде өтті. Барлық қолдау білдірген көрерменге алғысымыз шексіз. Сайысқа дайындалуымызға 2 ай уақыт жұмсалды. Бұл бізге көмек қолын созған жатақханадағы жетекшілеріміздің, достарымыздың да жеңісі», – деді Аяулым Ермекбаева.

Байқау жеңімпаздарына арнайы дипломдар мен сыйлықтар табысталып, үздік жұптар марапатталды. 

Айта кету керек, сайыс StuDay апталығы аясында ұйымдастырылды.

Қорқыт ата атындағы Қызылорда университетінің медиа орталығы
Байланыс телефоны: 8(7242) 26-21-34
e-mail: kmu.kmu@list.ru