4 шеберхана

Университетте білім алушылардың кәсіби құзыреттілігін қалыптастыруда теориялық білімді практикамен ұштастырудың маңызы зор. Осы мақсатта білім беру бағдарламалары заманауи талаптарға сай арнайы шеберханалармен және қажетті құрал-жабдықтармен толық қамтамасыз етілген.

«Дизайн және технологиялар» білім беру бағдарламасы бойынша
Студенттердің шығармашылық әлеуетін арттыру және кәсіби тігін өндірісінің дағдыларын қалыптастыру үшін төмендегідей оқу шеберханалары жұмыс істейді:

«Киімді құрастыру және жобалау» оқу шеберханасы Бұл шеберхана – болашақ дизайнерлер мен технологтардың негізгі тәжірибе алаңы. Мұнда студенттер киім үлгілерін эскизден бастап дайын өнімге дейін жеткізу процесін меңгереді. Шеберхана заманауи тігін машиналарымен, пішу үстелдерімен және арнайы манекендермен жабдықталған. Білім алушылар лекало жасау, киімді құрастырудың күрделі әдістерін және модельдеу тәсілдерін іс жүзінде орындайды.

«Сәндік қолданбалы өнер және тігін технологиясы» оқу шеберханасы Ұлттық және заманауи қолөнер түрлерін үйретуге бағытталған шығармашылық орталық. Шеберханада кесте тігу, тоқу және сәндік бұйымдарды әзірлеуге арналған құралдар қарастырылған. Студенттер мұнда матаның әртүрлі түрлерімен жұмыс істеп, тігін өндірісінің нәзік тұстарын, бұйымдарды көркемдік өңдеу технологияларын терең меңгереді.

«Материал өңдеу технологиясы» оқу шеберханасы Бұл шеберхана – киім үлгілерін дайындау барысында тоқыма материалдарымен жұмыс істеудің қыр-сырын меңгеретін арнайы зертханалық алаң. Студенттер матаның, терінің және басқа да тігін фурнитураларының физикалық-механикалық қасиеттерін зерттеп, оларды өндірістік процеске дайындауды үйренеді. Матаның құрамы мен қасиеттерін зерттеу, бөлшектерді ылғалды-жылумен өңдеу (үтіктеу, булау, дублерин жабыстыру) және материалды пішуге дайындау (декатирлеу) жұмыстары жүргізіледі. Бұл сапалы әрі пішінін жоғалтпайтын киім тігудің кепілі.

«Биология, география және химия» білім беру бағдарламасы бойынша

Жаратылыстану бағытындағы пәндерді тереңдете оқыту және ғылыми-зерттеу дағдыларын қалыптастыру мақсатында арнайы кабинет қарастырылған.

Жаратылыстану пәндерін оқыту шеберханасы - аудитория болашақ мұғалімдер мен ғалымдарға пәндік білімді тәжірибе жүзінде бекітуге мүмкіндік береді. Шеберхана химиялық реактивтермен, заманауи микроскоптармен, биологиялық муляждармен, гербарий қорларымен және географиялық карталармен толық жабдықталған. Студенттер мұнда зертханалық жұмыстар жүргізіп, химиялық тәжірибелер жасайды және қоршаған орта нысандарын зерттеу әдістемелерін меңгереді.