• 10 сәуір 2023
• 1212

«ОБЪЕКТИВТЕ МЕНІҢ УНИВЕРСИТЕТІМ» БАЙҚАУЫ ӨТЕДІ

Алғаш рет Қорқыт ата атындағы Қызылорда университеті Медиа орталығының ұйымдастыруымен 10-25 сәуір аралығында «Объективте менің университетім» фотосуреттер байқауы өтеді. Жеңімпаздарға арнайы дипломдар мен бағалы сыйлықтар беріледі.
Байқауға Қорқыт ата атындағы Қызылорда университетінің білім алушылары, фотосурет түсіруге әуесқой қала тұрғындары мен 10-11 сынып оқушылары қатыса алады. 
Фотожұмыстар келесі номинациялар бойынша қабылданады:
•  «I go to Korkyt» – 10-11 сынып оқушыларына арналған номинация. Қатысушылар локацияға Қорқыт ата атындағы Қызылорда университетінің оқу ғимараттарының бірін таңдап, креативті фото түсіруі қажет;
•  «Группаластар» – ең үздік оқу тобының фотосы;
•  «Korkyt my life» – университеттегі ерекше сәттер мен оқу орнындағы ең сүйікті локация;
•  «Студенттің бір күні...» – студенттік шақтағы қызықты сәттер, еркін форматтағы фотолар.
Фотосуреттер байқауына қатысу үшін фотожұмыс JPEG форматында өзі туралы қысқаша ақпаратпен (ТАӘ, оқу орны (жұмыс орны немесе мектебі), мамандығы (қызметі немесе сыныбы), байланыс телефоны) websait19@mail.ru  электронды поштасына қабылданады. 
Суреттердің көлемі 16:9, суреттерді 100% ұлғайту кезінде бұлдырау болмауы тиіс. Сонымен қатар, фотоны өңдеуге, фотокоррекция жасауға рұқсат етіледі. Бір автордан 3-5 фото қабылданады. 
Ескерту: Байқауға арналған фотожұмыстар 2022 жылғы 20 сәуірге дейін қабылданады.
Korkyt.edu.kz   
@korkytata_university 
Қосымша сұрақтар бойынша: 8 – 747 – 717 – 70 – 14 Нұржан,
Whatsapp номер: 8 – 747 – 773 – 41 – 08 Нұртілек